ယနေ့နံနက် ၅နာရီဝန်းကျင်အချိန်တွင် နယူးမန္တလာထွန်းယာဉ်လိုင်းမှ ရန်ကုန်-မန္တလေးအသွားခရီးသည်တင် ကားမှာ ကျောက်ဆည်နှင့်တံတာဦးမြို့ကြား မြင်စိုင်းရွာအနီးတွင် တိမ်းမှောက်သွားခဲ့ပြီး ခရီးသည် ၉ ဦး ပွဲချင်းပြီး သေဆုံးကာ ခရီးသည် ၂၆ ဦးပြင်းထန်စွာ ဒဏ်ရာရရှိခဲ့ကြောင်း သိရှိရသည်။
`ကားမောင်းတဲ့သူက အိပ်ငိုက်ပြီး ဖြစ်သွားတာလို့သိရပါတယ်။ ကားက လမ်းလယ်ကျွန်းကိုကျော်ပြီး ဘေးက ချောက်ထဲပြုတ်ကျသွားခဲ့တာပါ၊ လူတွေကလည်း တော်တော်လေး ပြင်းပြင်းထန်ထန် ဒဏ်ရာရပါတယ်။ ကျိုးပဲ့ကြပါတယ်။ ခုအားလုံးပဲ တံတားဦး ဆေးရုံပေါ်မှာပါ`ဟု တံတားဦးမြို့ခံတဦးက ပြောသည်။
ပြင်းထန်စွာ ဒဏ်ရာရရှိသူများမှာ ၂၆ ဦးရှိပြီး အရေးပေါ်အခြေအနေဖြင့် တံတားဦးဆေးရုံသို့ရောက်ရှိနေခြင်းဖြစ်ကြောင်း သိရှိရသည်။
သေဆုံးသွားသူများထဲတွင် အသက် ၈ နှစ်အရွယ် မိန်းကလေးတဦးလည်း ပါဝင်ခဲ့ကြောင်း တံတားဦးမြို့ခံများထံမှ သိရှိရသည်။
`ခုမနက် ၁၁ နာရီထိုးခါနီးထိ နယူးမန္တလာထွန်းက တာဝန်ရှိသူတွေ တယောက်မှ ရောက်မလာသေးဘူး၊ ဒီက မြ်ို့ခံတွေက ၀ိုင်းပြီးတော့ လုပ်စရာရှိတာ လုပ်ပေးနေရတယ်၊ ယာဉ်လိုင်းက တာဝန်ရှိသူတွေ လာရောက်ပြီးဆောင်ရွက်ပေးသင့်တာ လုပ်ပေးရမှာပေါ့ဗျာ။ လူတွေ သေတာရော ဒဏ်ရာရတာကော နည်းမှ မနည်းတာ`ဟု တံတားဦးမြို့ခံတဦးက ပြောသည်။
source: thithtoolwin
No comments:
Post a Comment