အမေရိကန်အရှေ့မြောက်ပိုင်းသို့ နှင်းမုန်တိုင်း ၀င်ရောက်တိုက်ခတ်၊လူနှစ်သန်းကျော် လျှပ်စစ်မီးပြတ်တောက်

အမေရိကန်နိုင်ငံအရှေ့မြောက် ပိုင်းသို့ အောက်တိုဘာလ ၂၉ ရက်တွင် နှင်းမုန်တိုင်း ၀င်ရောက်တိုက်ခတ်ခဲ့မှုကြောင့် လူသုံးဦးသေဆုံးခဲ့ပြီး လူနှစ်သန်းကျော်မှာ လျှပ်စစ်မီးပြတ်တောက်မှု ကြုံတွေ့ခဲ့ရကာ ခရီးသည် ထောင်ပေါင်းများစွာမှာ လေဆိပ်တွင် သောင်တင်နေခဲ့ကြောင်း သိရသည်။   

ပင်ဆီဗေးနီးယားတွင် သစ်ပင်တစ်ပင်သည် အိမ်ပေါ်သို့လဲကျမှုကြောင့် ယင်းအိမ်ရှိ အသက် ၈၄ နှစ်ရှိ အမျိုးသားတစ်ဦး သေဆုံးခဲ့ကြောင်း ပြည်နယ်ရဲတပ်ဖွဲ့က ထုတ်ပြန်ခဲ့သည်။ ကွန်နက်တီကပ်တွင် လူတစ်ဦးမှာ ကားမောင်းနေစဉ် သေဆုံးခဲ့ကြောင်း ပြည် နယ်အရေးပေါ်ရဲတပ်ဖွဲ့မှ ပြောခွင့်ရပုဂ္ဂိုလ် စကော့ဒီဗစ်ကိုက ပြောကြားခဲ့သည်။ မက်ဆာချူးဆက်တွင် အသက်၂၀ အရွယ်ရှိ လူတစ်ဦးသည် ဓာတ်ကြိုးကို သွားကိုင်ခဲ့သဖြင့် ဓာတ်လိုက်သေဆုံးခဲ့ကြောင်း မြို့တော်ရဲတပ်ဖွဲ့ပြောခွင့်ရပုဂ္ဂိုလ် ဒင်းနစ်လက်ဂီရီက ပြောကြားခဲ့သည်။ 

အချို့နေရာများတွင် နှင်းထုမှာ ၁၈ လက်မ အထူအထိ ကျဆင်းနိုင်သည် ဟု ခန့်မှန်းထားသည်။ နှင်းမုန်တိုင်း တိုက်ခတ်နိုင်မှုသတိပေးချက် ထုတ်ပြန်ခဲ့ပြီး တစ်နာရီလျှင် လေတိုက်နှုန်း ၅၀ မိုင်နှုန်းရှိမည်ဟု ကြေညာခဲ့သည်။ ကွန်နက်တီကပ်၊ နယူးယောက်၊ နယူးဂျာစီ၊ မက်ဆာချူးဆက် ပြည်နယ်အုပ်ချုပ်ရေးမှူးတို့က ၎င်းတို့၏ ပြည်နယ်များတွင် အရေးပေါ်အခြေအနေ ကြေညာခဲ့သည်။ 

နယူးဂျာစီရှိ Newark အပြည်ပြည်ဆိုင်ရာလေဆိပ်မှ ထွက်ခွာမည့် ပြည်တွင်းခရီးစဉ်အားလုံးကို အောက်တိုဘာလ ၂၉ ရက်၊ ညနေ ၄ နာရီတွင် ဖျက်သိမ်းခဲ့သည့်အတွက် တန်းစီစောင့်ဆိုင်းခဲ့ရသော ခရီးသည်များမှာ စိတ်ပျက်ဒေါသထွက်ခဲ့သည်။ ဂါးဒင်းပြည်နယ်ရှိ တီတာဘိုရိုလေဆိပ်ကိုလည်း နာရီအနည်းငယ်ကြာ ပိတ်ခဲ့ရသည်။ နယူးယောက်ရှိ ဂျွန်အက်ဖ်ကနေဒီ လေဆိပ်နှင့် လာဂွာဒီယာလေဆိပ်နှစ်ခုတွင်လည်း နှောင့်နှေးမှုများဖြစ်ပေါ်ခဲ့သည်။

Ref:CNN , Eleven Media