သဘာဝပတ်ဝန်းကျင် ထိန်းသိမ်းရေးအတွက် သစ်ပင်များကို လိုသလောက်စိုက်ပျိုးနိုင်ရန် မြန်မာနိုင်ငံအနှံ့အပြားတွင် ပျိုးခြံများတည်ထောင် ပေးသွားမည်ဟု မြသားလွင် ပြင်သဘာဝပတ်ဝန်းကျင်ထိန်းသိမ်း ရေးအဖွဲ့ ဥက္ကဋ္ဌဦးကြည်ဝင်းက ပြောသည်။
မြသားလွင်ပြင် သဘာဝပတ်ဝန်းကျင် ထိန်းသိမ်းရေးအတွက် သစ်ပင်စိုက်ပျိုးလိုသူများ၊ အဖွဲ့အစည်းများသို့ သစ်ပင်များကိုအခမဲ့ လှူဒါန်းပေးလျက်ရိပြီး ရန်ကုန်နှင့် အလှမ်းဝေးသော ဒေသများသို့ သစ်ပင်များ ပေးပို့လှူဒါန်းရန် အခက်အခဲရှိသဖြင့် မြန်မာနိုင်ငံအနှံ့အပြားတွင် ပျိုးခြံများတည်ထောင် ပေးရန် စီစဉ်ရခြင်းဖြစ်ကြောင်း သိရ သည်။
”နယ်တွေမှာ သစ်ပင်စိုက်ဖို့ ပျိုးပင်တွေပို့ပေးတဲ့အခါ အနီးဆုံး မြစ်ဝကျွန်း ပေါ်ဒေသတွေဆိုရင် တောင် ငွေကုန်ကြေးကျ အများကြီးရှိတဲ့အပြင် အခြားအခက်အခဲတွေ လည်း အများကြီးရှိပါတယ်။ ဒါကြောင့် ပျိုးပင်တွေပို့ပေးမယ့်အစား အဲဒီဒေသတွေဆီကို ပျိုးစေ့တွေပို့ပြီး ပျိုးခြံတွေထောင်ပေးလိုက်ရင် ပိုအဆင်ပြေမယ်လို့ ယူဆတဲ့ အတွက် စီစဉ်ရတာပါ။ ကျွန်တော်တို့ မြသားလွင်ပြင်အနေနဲ့ ပျိုးခြံတွေတည်ထောင်ဖို့အတွက် ပျိုးစေ့၊ ပျိုးအိတ်၊ နည်းပညာအားလုံး ကူညီပေးသွားမှာပါ” ဟု ဦးကြည်ဝင်း က ပြောသည်။
မြသားလွင်ပြင်အဖွဲ့အနေဖြင့် လက်ရှိအခြေအနေတွင် ရန်ကုန်တိုင်း ဒေသကြီးအပါအဝင် ဧရာဝတီတိုင်းဒေသကြီးရှိ မော်လမြိုင်ကျွန်း၊ ဘိုကလေး၊ ကျိုက်လတ်မြို့နယ် များတွင် လည်းကောင်း၊ မန္တလေးမြို့နှင့် ပြင်ဦးလွင်မြို့များတွင် လည်းကောင်း ပျိုးခြံများတည်ထောင်ပေးရန် စီစဉ်ဆောင်ရွက်နေပြီဖြစ်ကြောင်း သိရသည်။
ထို့အပြင် ဆရာဦးကြည်ဝင်းက ”တစ်နိုင်ငံလုံးမှာ ပုံစံအမျိုးမျိုးရှိနေတဲ့ သစ်ပင်မျိုးစိတ်တွေကို တစ်နေရာက အခြားတစ်နေရာဆီကို ပျံ့နှံ့ရောက်ရှိသွားအောင်လည်း ဆောင် ရွက်သွားဖို့ရှိတယ်။ ဥပမာ- မြစ်ဝကျွန်းပေါ်မှာဆိုရင် မဟောဂနီပင်မရှိသလောက် ရှားသွားတယ်။ တစ်ပင်စနှစ်ပင်စလောက်ပဲ တွေ့ရတော့တယ်။ နောက်မယ်ဇယ် ပင်တွေကိုလည်း ၅ သောင်းလောက်ရအောင် ပျိုးသွားမယ်။ အဓိကကတော့ မြစ်ဝကျွန်းပေါ်မှာ မရှိတဲ့အပင်တွေကို ပျိုးပြီးတော့ပို့ပေးမယ်။ နောက်ပြီး အညာဒေသတွေမှာ လည်း လုပ်ပေးသွားဖို့ရှိပါတယ်”ဟု ထပ်လောင်း ပြောသည်။
သစ်ပင်စိုက်ပျိုးခြင်းနှင့် ပတ်သက်၍လည်း သစ်တောပညာရှင်ဦးအုန်းက ကမ္ဘာကြီးပူနွေးလာမှုနှင့် ရာသီဥတုပြောင်းလဲမှုကို ထိန်းနိုင်ရန်အတွက် သစ်ပင်စိုက်ပျိုးခြင်း သည် အကောင်းဆုံးနည်းလမ်းဖြစ်ပြီး သစ်ပင်များစိုက်ပျိုးခြင်းအပြင် စိုက်ပြီးသစ်ပင်များကိုလည်း ပြုစုသွားရန် လိုအပ်သည်ဟု အကြံပြုပြောကြားခဲ့သည်။
မင်းချစ်နိုင်
source:Popular news
No comments:
Post a Comment