ဗုံးပေါက်ကွဲမှုကို မြ၀တီခရိုင် အာဏာပိုင်များက စောလားပွယ်(ဗိုလ်နှုတ်ခမ်းမွေး)ဦးဆောင်သည့် တိုးတက်သော ဗုဒ္ဓဘာသာ ကရင် အမျိုးသား တပ်မတော်(DKBA)အဖွဲ့၏ လက်ချက်ဟု ယူဆပြီး ဆက်လက်စုံစမ်းနေကြောင်း မြ၀တီမှ အစိုးရ၀န်ထမ်းတဦးက ပြော သည်။
ထိုစွပ်စွဲချက်နှင့် ပတ်သက်ပြီး DKBA အဖွဲ့၏ စစ်ဆင်ရေးမှူး တဦးဖြစ်သည့် ဗိုလ်မှူး ဆန်းအောင်က ၎င်းတို့ လက်ချက် မဟုတ်ကြောင်း ပြန်လည်ငြင်းဆိုသည်။
ဗိုလ်မှူးဆန်းအောင်က“သူတို့ကဖြစ်လိုက်ရင် ကျနော်တို့ကိုပဲစွပ်စွဲတယ်၊ ဒီနေ့ကွဲတဲ့ ဗုံးက သူတို့လက်ချက်ဆိုတာ သိသာပါတယ်၊ အရပ်သားတွေရှိတဲ့နေရာမှာ ကျနော်တို့ဗုံးမခွဲဘူး၊ အစိုးရနဲ့ ပတ်သက်တဲ့နေရာတွေကိုပဲ အဓိကထားပြီးလုပ်တယ်၊ လုပ်ရင်လည်း အသံဗုံး ဘယ်တော့မှမလုပ်ဘူး၊ ဗုံးအစစ်နဲ့ပဲလုပ်တယ်”ဟု ဧရာဝတီသို့ပြောသည်။
ယင်းပေါက်ကွဲမှုကြောင့် မြ၀တီမြို့အတွင်း လုံခြုံရေး အထူး တိုးမြှင့်ထားခြင်းမရှိဘဲ ပုံမှန်အတိုင်း သွားလာလျက်ရှိကြောင်း သိရ သည်။
ယနေ့နံနက်ပိုင်းတွင်ပင် မြန်မာနိုင်ငံသား ၅၀၀ ခန့်သည် ထိုင်းနိုင်ငံတွင်းရေကြီးမှုကြောင့် စက်ရုံအလုပ်ရုံများပိတ်လိုက်၍ ထိုင်းနိုင်ငံ မဲဆောက်မြို့မှ သောင်ရင်းမြစ်ကို ဖြတ်ပြီး မြ၀တီမြို့မှတဆင့် နေရပ်သို့ ပြန်လာနေချိန်နှင့် တိုက်ဆိုင်နေရာ ၎င်းတို့ ၏ ခရီးလမ်း လုံခြုံရေးအတွက် စိုးရိမ်ပူပန်သည်ဟု မြန်မာ အလုပ်သမားများက ပြော သည်။
ပြီးခဲ့သည့် မေလအတွင်းကလည်း မြ၀တီမြို့ရှိ စာတိုက်အနီး၌ ဗုံးပေါက်ကွဲမှု တခုဖြစ်ပွားခဲ့ပြီး ထိခိုက် ဒဏ်ရာရမှု မရှိဘဲ စာတိုက် အဆောက်အအုံ အနည်းငယ် ပျက်စီးသွားသည်။
ယမန်နှစ် သြဂုတ်လဆန်းပိုင်းကမူ မြ၀တီမြို့အမှတ် ၄ ရပ်ကွက် ဘုရင့်နောင် လမ်းမကြီးပေါ်၌ ဗုံးပေါက်ကွဲမှုတခုဖြစ်ပွားရာ လူ၂ ဦး ပွဲချင်းပြီး သေဆုံး၍ ၄ ဦး အတွင်း လူနာအဖြစ် ဆေးကုသမှု ခံယူခဲ့ရဖူးသည်။Source: Irrawaddy
No comments:
Post a Comment